ASSOCIAZIONE CULTURALE       info@italiatxiki.org
             
 

Nor Garen

Hasiera | Nor Garen

ItaliaTxiki kultur elkarte bat da, irabaztea helburu ez duena. Duela zenbait urte Gipuzkoan eta iparraldean bizi den talde italiar baten ideiaren emaitza da Italia Txiki, eta bere helburua da Euskal Herrian erbesteraturiko beste herrikideak aurkitu eta haiekin baita, italiarrak ez izanik ere, Italiako kulturan eta hizkuntzan interesa duen edonorrekin, bizileku eremuan, gizarte, kultur eta gastronomia harremanak izatea.

Italieraz hitz egiten dugu. Bai, guztiak eleaniztunak gara eta ezaugarri komuna dugu: Italiako hizkuntza. Italiera da bileretan eta ekitaldietan komunikatzeko erabiltzen dugun hizkuntza, baina, esan gabe doa, gutako bakoitzak, eguneroko bizitzan, beste hizkuntzak erabiltzen ditu: euskara, gaztelania, frantsesa, ingelesa, baita norberaren jatorrizko dialektoak ere.

 

Gehienak lehen belaunaldiko italiarrak gara, arrazoi ezberdinek eraginda (lanak, maitasunak edo, besterik gabe, bizitzaren zertzeladek) Euskal Herrira etortzea erabaki dugunak, baina gure artean badira ere bigarren edo hirugarren belaunaldiko italiarrak, are 20. mendearen 2. hamarkadan hona heldutako italiarren seme-alabak. Eta baztertzekoa ez dena: gure elkartean badira ere italiarrak ez direnak: euskaldunak edo, orohar, italiarrak ez direnak, baina gure hizkuntzan, gure kulturan, Italiarekin harremanak ezarri eta mantentzeko interesa dutenak

 

Laburbilduz, askotariko ibilbideak (norberarenak, familiarenak, kulturalak…) dituen taldea; guztiak, ordea, italieraz hitz egiten, bizi garen lurraldean integratzeko borondateak batzen gaitu.

Nola eman izena Elkartean?

NOLA ANTOLATZEN GAREN

Jarduerak, ekitaldiak eta elkartzeak antolatu ahal izateko, lan taldetan azpibanatzen gara. Talde horietan bazkideek, beren interesen arabera, hartzen dute parte. Dagoeneko sortua dagoen talde bateko partaide izan nahi baduzu edota lan talde berria sortzeko ideiaren bat baduzu, jarri zaitez gurekin harremanetan eta pozik hartuko zaitugu gure artean.

 

  • Literatur taldea, “Circolo Temerario” izena duena.
  • Zinema taldea, “2018an hasi eta 2019rako ere lanean ari dena.
  • Aire zabaleko jardueretako taldea, parke, mendi eta antzeko espazioetan jarduerak antolatzeko.
  • Haurrekin jarduerak antolatzeko taldea, eremuan bizi diren bikoteen seme-alabek ere parte har dezaten.
  • Gastronomia taldea, eno-gastronomiaren inguruko ekitaldiak antolatzeko.

 

Baditugu, gainera, beste jarduera esparruak, zeinetan parte har dezakezun: musika, artea, historia, kultura,oro har, kirola, eta nahi adina.

Azken jarduerak – berriak